<h1 style="direction: rtl;">محسنِ جماعت ڈاکٹر حافظ عبدالکریم حفظہ اللہ کا وفاق المدارس السلفیہ پاکستان کی منعقدہ  تقریبِ تقسیم اسناد و انعامات میں اہم خطاب</h1>
<h1 style="direction: rtl;">حمد و ثناء کے بعد۔۔۔!</h1>
<h1 style="direction: rtl;"> معزز ناظمین مدارس، علمائے کرام ،جماعتی ذمہ داران وفاق المدارس کی سالانہ تقریب میں تشریف لانے والے انعام یافتہ عزیز طلبہ و طالبات میں آپ سب کو آپ کےاپنے ادارے  جامعہ سلفیہ فیصل آباد میں خوش آمدید کہتا ہو ں</h1>
<h1 style="direction: rtl;">اللہ کی توفیق اور  فضل سے وفاق المدارس السلفیہ پاکستان اہل حدیث مدارس کا منتظم  ادارہ ہے اوربہت اچھے طریقے سے مدارس اور وفاق کا انتظام و انصرام چلا رہا ہے،جس میں وفاق کے نصاب کی تیاری ، تمام مراحل میں امتحانات منعقد کروانا پھر ان کی شفاف چیکنگ کروانا اور پھر ان کے رزلٹ اور اسناد جاری کرنا  یہ ایک بہت بڑا کام ہے۔اور وفاق المدارس کی انتظامیہ اس سارے سسٹم کو اور تمام مدارس کو  تسبیح کے دانوں کی طرح  بڑے اچھے انداز میں پرویا ہوا ہےاور اس دور میں آپ رسالت مآبﷺ کی تبلیغ کے امین ہیں۔کیونکہ نبی علیہ الصلوۃ والسلام فرماتے ہیں إِنَّ العُلَمَاءَ وَرَثَةُ الأَنْبِيَاءِ، إِنَّ الأَنْبِيَاءَ لَمْ يُوَرِّثُوا دِينَارًا وَلَا دِرْهَمًا إِنَّمَا وَرَّثُوا العِلْمَ &#8220;قرآن و حدیث کا علم آپ لوگوں تک پہنچا رہے ہیں یہ انبیاء کی وراثت ہے اور  اس علم سے جڑنے کی وجہ سے آپ کا  بہت مرتبہ اور مقام ہےزمین میں جتنی بھی مخلوقات ہیں  وہ آپ کے لیے  بخشش،استغفار اور رحمت کی دعا کرتی ہیں کیونکہ  آپ اس وقت   جب فتنوں کا دور ہے  الحاد اور بے دینی کی ہر طرف یلغار ہے بہت بڑی فضیلت والا کام کر رہے ہیں ۔ اور حقیقت بات یہ ہے کہ اس دور میں مدارس کو چلانا تعلیم دینا, ان کی تربیت کرنا  کسی بڑے جہاد سے کم نہیں ہے اس وقت میں  ہر طرف سے فکری یلغار کا سامنا ہے اس لحاظ سے اس وقت کا یہ  سب سے بڑا جہاد ہے۔اور ایک دور ہوتا تھا اس ملک میں  توحید کا نام لینے والے چند لوگ انگلیوں پر گنِے جاتے  تھے آپ کے ان مدارس کی برکتوں اور  کوششوں کی وجہ سے آج اللہ کا فضل ہے کہ پاکستان کے کونے کونے اور ہر علاقے میں  قال اللہ وقال الرسول کی آواز بلند  ہو رہی ہے۔حضرت عثمان ابن عفان ؓ فرماتے ہیں کہ رسول اللہ ﷺ نے فرمایا: خَيْرُکُم مَنْ تَعَلَّمَ الْقُرْآنَ وَعَلَّمَهُ تم میں سب سے بہتر وہ ہے جو قرآن کی تعلیم حاصل کرتا ہے اور قرآن کی تعلیم آگے دیتا ہےتو آپ اہلِ مدارس  قرآن اور حدیث پڑھانے والے ہیں اس کا انتظام کرنے والے ہیں، لاکھوں کی تعداد میں طلباء آپ کے پاس پڑھتے ہیں آپ ان کی تعلیم ، رہائش خورد و نوش کا انتظام کر کے خیرِ کثیر کا باعث بن رہے ہیں اور ان طلبہ میں کئی ایک یتیم بچے/بچیاں بھی ہوتی ہیں اگر کوئی ایک یتیم بچے کی کفالت کرتا ہے تو رسولِ کریمﷺ اس بارے میں فرماتے ہیں: أَنَا وَكَافِلُ الْيَتِيمِ فِي الْجَنَّةِ كَهَاتَيْنِ يُشِيرُ بِإِصْبَعَيْهِ‏&#8221;میں اور یتیم  کی کفالت کرنے والا جنت میں ایسے اکٹھے ہونگے جیسے دو انگلیاں جڑی ہوں ۔</h1>
<h1 style="direction: rtl;">اور اس  دور میں کہ جب  آپ کے ساتھ ادارے یا حکومت تعاون نہیں کرتی آپ اپنی محنت سے، اہلِ خیر کے تعاون سے یہ ادارے چلا رہے ہیں بلکہ الٹا حکومت کی کوشش ہوتی ہے کہ بہت سارے مدارس کوبند کیا جائے۔</h1>
<h1 style="direction: rtl;">لیکن ہم نے ہر طرح کی رکاوٹ اور مشکل کے باجود اپنا مشن جاری رکھنا ہے کیونکہ اگر ایک آدمی آپ کے اور میرے ذریعے راہ راست پر آ جاتا ہے،ہدایت پا لیتا ہے تو یہ میری اور آپ کے نجات کے لیے کافی ہے۔نبی علیہ الصلاۃ والسلام نے  حضرت علی رضی اللہ عنہ  کو فرمایا تھا: &#8220;لَئِن يَہْدِيَ اللَّہُ بِکَ رَجُلًا وَاحِدًا خَيْرٌ لَکَ مِنْ أَنْ يَکُونَ لَکَ حُمْرَ النَّعْمِ&#8221;</h1>
<h1 style="direction: rtl;">&#8220;اگر اللہ تعالیٰ تیرے ذریعے کسی ایک شخص کو ہدایت دے دے تو یہ تیرے لیے سرخ اونٹوں سے بھی بہتر ہے۔&#8221;</h1>
<h1 style="direction: rtl;">اور اس وقت تبلیغی میدان میں سب سے زیادہ جس مسلک کی ترویج و اشاعت اور تبلیغ ہو رہی وہ الحمد اللہ ہمارے علماء کرام ہی ہیں جو قریہ قریہ نگر نگر قرآن و سنت کا پیغام عام کر رہے ہیں اور وہ علماء آپ کے اداروں سے پڑھے ہوئے آپ کے بچے ہیں۔ اور دیہاتوں میں جہاں  پہلے ایک مسجد ہوتی تھی معمولی سے نمازی ہوتے تھے آج ماشاءاللہ کئی ایک مساجد اور  سینکڑوں اور ہزاروں کی تعداد میں وہاں نمازی جمع ہوتے ہیں بڑے بڑے  پروگرام ہوتے ہیں یہ ساری خیرجو پھیلی ہے اس میں آپ کا بنیادی  کردار ہے۔اور حالیہ دور میں مشاکل ،مالی وسائل کی کمی کے باوجود آپ یہ جو ادارے چلا رہے ہیں اللہ تعالی آپ کو اس کے بدلے اجرِ کثیر سے نوازے،</h1>
<h1 style="direction: rtl;">مرکزی جمعیت اہل حدیث  پاکستان کی قیادت ہمیشہ  آپ کے ساتھ ہے کیونکہ یہ مدارس کتاب و سنت کی تعلیم کے فروغ کے لیے ریڑھ کی ہڈی کا کردار ادا کرتے ہیں ۔</h1>
<h1 style="direction: rtl;">اور جب بھی کسی مدرسے  کوکسی قسم کا مسئلہ بنا  جماعت کی قیادت   نے ہمیشہ ا ن مسائل کے حل کیلئے بھرپور کردار ادا کیا ہے کیونکہ یہ مدارس ہماری جماعت کی جان اور دل ہیں اور ان شاءاللہ ہم ان کے تحفظ کے لیے ہر قسم کا کردار ادا کرنے کے لیے تیار ہیں اور اسے  اپنی ذمہ داری اور فریضہ سمجھتے ہیں۔</h1>
<h1 style="direction: rtl;">آخر میں تمام انعام یافتہ طلبہ و طالبات ،اساتذہ اور مدارس کی انتظامیہ  کو  دلی مبارکباد پیش کرتے ہوں اور دعا گو ہوں</h1>
<h1 style="direction: rtl;">اللہ تعالیٰ ہماری کوششوں میں برکت عطا فرمائےاور ہمارے ان اداروں کو دن دگنی رات چگنی ترقی عطا فرمائے. اور اللہ تعالی ہم سب کی کوششوں کو شرف قبولیت بخشے۔</h1>
<h1 style="direction: rtl;"></h1>


مدارس ہماری جماعت کی جان اور دل ہیں مسائل کے حل کے لئے جماعتی قیادت ہمیشہ کوشاں ہیں

<h1 style="direction: rtl; text-align: right;"></h1>
<h1 style="direction: rtl; text-align: right;">حمد و ثنا ء کے بعد۔۔۔!</h1>
<h1 style="direction: rtl; text-align: right;">معزز مہمانانِ گرامی اور لائق صد تحسین ناظمین و مہتممین   ،علمائے کرام اور پوزیشن ہولڈرز طلبہ و طالبات ۔</h1>
<h1 style="direction: rtl; text-align: right;">میں سب سے پہلے  جناب یٰسین  ظفر صاحب ،وفاق المدارس  السلفیہ  کی انتظامیہ اور تمام اراکین کو آج کی اس تقریب کے انعقاد پر مبارکباد پیش کرتا ہوں اور اس کے ساتھ ہی ان طلباء اور طالبات کی خدمت   میں خراجِ تحسین پیش کرتا ہوں جنہوں نے وفاق کے امتحانات میں اپنی اعلی کارکردگی کی بنیاد پر  انعامات ، شیلڈز اور امتیازی اسناد حاصل کیں۔</h1>
<h1 style="direction: rtl; text-align: right;">معزز طلبہ یاد رکھیں۔۔!ہمارے دینِ اسلام میں علم کی بڑی اہمیت ہے،علم کوئی بھی ہو اس کی اپنی جگہ پر اہمیت ہے</h1>
<h1 style="direction: rtl; text-align: right;">لیکن تمام علوم میں سب سے زیادہ ا ہم علم  &#8220;علم القرآن والحدیث &#8221; ہے</h1>
<h1 style="direction: rtl; text-align: right;">اس لیے کہ یہی  وہ علم ہے جو ہمیں اپنے خالق و مالک کی مرضی کے مطابق زندگی بسر کرنے کے طریقے سکھا تا ہے</h1>
<h1 style="direction: rtl; text-align: right;">اوریہی وہ علم ہے جو ہماری نجات کا اور ہمارے لیے جنت میں داخلے  کا سبب بن سکتا ہےاور ان شاءاللہ بنے گایہی وہ علم ہے جو تفصیل سے بتاتا ہےکہ ہمیں زندگی کے مختلف میدانوں میں کیا اور کیسے کرنا چاہیے؟</h1>
<h1 style="direction: rtl; text-align: right;">اس لیے اس علم کو حاصل کرنے والے ، اس کو پھیلانے والے ، اس کا اہتمام و انتظام کرنے والے اور  اس کے لیے تھوڑی سی لے کر بڑی مالی معاونت کرنے والے  سب لوگ  قابل ِتحسین  اور مبارکباد کے مستحق  ہیں</h1>
<h1 style="direction: rtl; text-align: right;">اور یہ  بھی حقیقت ہے کہ ہمارے مدارس نے نامساعد  اور  مشکل حالات میں بھی  اپنے فرائض ادا کرنے کی بھرپور کوشش  کی ہےمالی مشکلات اپنی جگہ پر  مگر آج کے دور میں بین الاقوامی پریشر سے لے کر مقامی اور ملکی پریشر تک مدارس اور اس ذریعہ تعلیم  کے او پر کئی  ایک مشکلات موجود ہیں جیسا کہ محترم یاسین  ظفر صاحب نے  مدارس کے بینک اکاؤنٹس  اور رجسٹریشن کے بارے میں  پریشانیوں کا ذکر کیا۔</h1>
<h1 style="direction: rtl; text-align: right;">جبکہ  وفاق المدارس  کا بنیادی مقصد ایک تو یہ ہے کہ سارے مدارس کا یکساں نصاب ، ان میں ہم آہنگی  اور امتحانات کا  ایک سسٹم ہواور اس سسٹم سے گزر کر جو لوگ کامیاب ہوں انہیں اعلیٰ تعلیم کے مواقع مل سکیں ۔</h1>
<h1 style="direction: rtl; text-align: right;">دوسرا مقصد مدارس کی حیثیت کو واضح کرنا ، اس کی حفاظت اوردفاع  کرنا ہے اس کو ملکی ،غیر ملکی، بین الاقوامی اور نیشنل  مشکلات سے بچانا ہے  اور اس کے لیے  ہم نے نہ صرف اپنے طور پر الحمدللہ کوشش کی بلکہ ایک بڑا اچھی بات یہ ہوئی کہ اس طرح کے جو  دوسرے  مسالک کے وفاق   ہیں وہ سب ایک پلیٹ فارم پر اکٹھے ہوئے یہ بہت بڑی اور بڑی اچھی development ہے۔ ان کےنصاب اور طریقے  اپنے اپنے ہیں لیکن مدارس کے طلبا،مدارس  کے مسائل کے حل ،ان کی  حفاظت کے لیے اور ان کو ہر قسم کے خطرات سے بچانے اور انہیں ہر قسم کی مشکلات سے نکالنے کے لیے ایک پلیٹ فارم بن گیا ہے   جس میں تمام مسالک کے  سارے وفاق شامل ہیں اور اس  اتحاد تنظیمات مدارس کی بڑی خدمات ہیں۔</h1>
<h1 style="direction: rtl; text-align: right;">اس نے مدارس کے حقوق ،دفاع اور تحفظ کے لیے مختلف آنے جانے والی حکومتوں سے مختلف اوقات میں مذاکرات کیے. اور کئی چیزیں حاصل کیں اور اب بھی  تگ و دوجاری ہے. حال ہی میں مدارس کی رجسٹریشن کا طریقہ کار آسان بنایا  دیا گیا ہےیہ ایک طویل جدوجہد کا نتیجہ  ہےیٰسین ظفر صاحب جانتے ہیں اس کے لیے کتنی کوششیں ہوئی ہیں ،کتنے لوگوں سےتبادلہ  خیال ہوا ، انہیں قائل کیا گیا  کئی ایک  میٹنگزہوئی اور پھر جا کر registration کا طریقہ کار آسان ہوا اور  ہم نے کبھی بھی رجسٹریشن سے انکار نہیں کیا۔ ہم نے ہمیشہ اس دعوے کی دلائل ،شواہد کے ساتھ تردید کی ہے کہ مدارس کا کوئی بھی کسی قسم کا تعلق دہشت گردی سے  اگر ہے آپ نشاندہی کریں  ہم نہ صرف خود اس کے خلاف action لیں گے بلکہ اس کو آپ کے حوالے کریں گے جو قانون کے مطابق سزا ہے آپ اسے سزا دیں۔</h1>
<h1 style="direction: rtl; text-align: right;">ان ساری کاوشوں میں اتحاد تنظیمات مدارس پاکستان کا بڑا اہم کردار ہے جس میں بہت بڑا حصہ الحمد اللہ وفاق المدارس السلفیہ  کا ہے۔اس کے  تمام  اجلاسوں میں  یسین ظفر صاحب شریک  ہوتے ہیں اور مجھےبھی  جب کبھی  موقع ملے شرکت  کرتا ہوں</h1>
<h1 style="direction: rtl; text-align: right;"> اور اس میں ہم نے  اتحادواتفاق  اور مدارس کے حقوق کے حصول کے لیے اپنا نقطہ نظر  ہمیشہ پورے جوش ، زور  اورموثر طریقے  سے  اجاگر کیا ہے اس سلسلے میں جو بھی کامیابیاں ملیں ناسپاسی ہو گی اگر میں  تمام مدارس کے مہتممین و ناظمین ، اساتذہ اور طلبہ  کی دعاؤں اور تعاون کا ذکر نہ کروں</h1>
<h1 style="direction: rtl; text-align: right;">ہمیں مقتدر حلقوں سے مدارس کے تحفظ اور ان کے حقوق کے لیے بات کرتے ہوئے یہ تسلی ہوتی ہے کہ ہماری پشت پر آپ کھڑے ہیں اور ہماری  پشت پر آپ کی طاقت ،قوت  اور آپ کی دعائیں ہیں۔ الحمدللہ یہی دعائیں ہیں جن کی وجہ سے کامیابیاں  ملیں  اور آئندہ بھی  خیر ہی کی امید ہے ،</h1>
<h1 style="direction: rtl; text-align: right;">اور میں یہ سمجھتا ہوں کہ آج کے اس دور میں جب  دین ،دینی علم اور مدارس کو شک کی نگاہ اور عجیب نظروں سے دیکھا جاتا ہے اس دور میں ان خدمات کو آپ لوگوں کا جاری رکھنابہت بڑی نیکی ہے  میری دعا ہے اللہ تعالی آپ کی اس نیکی کو قبول فرمائے اور جو طلباءوطالبات اپنا سب کچھ چھوڑ کر اپنا گھر بار اور  سیکولر اور دوسری تعلیم کے مواقع( اپنی مرضی سے یا پھر والدین کی تحریک پر) چھوڑ کر  دینی مدارس میں آتے ہیں ان کو بھی خراج تحسین پیش کرتا ہوں اور دعا گو ہوں اللہ تعالی ان کی اس قربانی کو قبول فرمائے ان سب کو  دین کاصحیح عالم بنائے۔</h1>
<h1 style="direction: rtl; text-align: right;">آخر میں میں یہ بات ضرور  کہنا چاہوں گا کہ طلبہ اور طالبات کویہ نہیں سمجھنا چاہیے کہ اگر وہ فارغ تحصیل  ہو گئے ہیں عالمیہ کی ڈگری مل گئی ہے تو  یہی کافی ہے وہ عالم فاضل بن گئے ایسا ہر گز نہیں ان ڈگریوں نے اور حصولِ تعلیم نے مدارس  اور اساتذہ کی اس محنت نے  آپ کو شہرِ علم  کے دروازے پر لا کر کھڑا کیا ہے اس دروازے میں داخل  ہونے کا طریقہ بتا دیا ہے  اب  اس شہرِ علم کی سیر کرنا اس سے  پورا استفادہ کرنایہ آپ کا کام ہے ، وہ  کام اپنے مطالعے کو  وسیع کرنے،کتابوں کے ساتھ اپنے تعلق  کو جاری  رکھ کر کیا جاسکتا ہے۔اورآپ  اس  تعلق کو مزید  بڑھائیں  زیادہ سے زیادہ علم کے اندر رسوخ  حاصل کرنے کی کوشش کریں تاکہ آپ بہتر طریقہ  سے دین کی خدمت کر سکیں اللہ تعالی اس کی توفیق عطا فرمائے اور  جتنی توفیق  ملی ہے اس کی قدر کرنے کی اور اس سے فائدہ اٹھانے کی توفیق عطاء فرمائے۔</h1>
<h1 style="direction: rtl; text-align: right;"></h1>


“مشکلات کی آندھی میں مدارس کا چراغ” حکومتی افسوس ناک رویے اور طلبہ کو نصیحت آموز خطاب

وفاق المدارس السلفیہ پاکستان کے زیرِ اہتمام مدارس کے ناظمین کا اہم اجلاس قائدِ ملت سلفیہ سینیٹر پروفیسر ساجد میر،محسنِ جماعت ڈاکٹر حافظ عبدالکریم حفظہم اللہ خصوصی شرکت فرمائیں گے۔

سینیٹر پروفیسر ساجد میر حفظہ اللہ کا سینئیر صحافی اعزاز سید کے ساتھ اہم انٹرویو حالات زندگی، تنظیمی و سیاسی معاملات اور بہت سے اہم انکشافات

مرکزی جمعیت اہلحدیث پنجاب کے تنظیمی اجلاس میں قائد ملت سلفیہ سینیٹر پروفیسر ساجد میر حفظہ اللہ اور محسن جماعت ڈاکٹر حافظ عبدالکریم حفظہ اللہ

مرکز المودة ڈیرہ غازی خان  میں تقریب بخاری کے  مناظر

<div class="xdj266r x11i5rnm xat24cr x1mh8g0r x1vvkbs x126k92a">
<div dir="auto">حجۃ الاسلام محترم جناب ڈاکٹر ذاکر نائیک صاحب کی مرکز اہلِ حدیث لاہور آمد</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">جذبات: فضیلۃ الشیخ پروفیسر چودھری محمد یٰسین ظفر حفظہ اللہ تعالیٰ</div>
<div dir="auto">ناظمِ اعلیٰ وفاق المدارس السلفیہ پاکستان</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">دنیا میں اسلام سے بڑھ کر کوئی نعمت نہیں اور پھر اسلام کی چھتری کے نیچے عقیدے کی بنیاد پر قائم لازوال رشتہ &#8220;اخوت&#8221; ہے۔دنیا جس کی نظیر پیش کرنے سے قاصر ہے۔قبیلہ،خاندان اور برادری کے رشتوں میں دراڑ آ جاتی ہے۔وقت گزرنے کے ساتھ یہ رشتے ماند پڑ جاتے ہیں حتیٰ کہ تیسری نسل میں یہ تعلقات ختم ہو جاتے ہیں۔لیکن اس کے مقابلے اسلام کی بنیاد پر قائم رشتے سدا بہار ہوتے ہیں۔ان میں خلوص، محبت، الفت، خیرخواہی، ہمدردی اور ایثار و قربانی پر مبنی جذبات ہمیشہ تازہ دم رہتے ہیں۔یہ رشتے زمان و مکان، رنگ و نسل،زبان اور سرحدوں کی لکیروں کی قید سے آزاد ہوتے ہیں۔</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">مسلمان ایشیا وسطیٰ کا ہو یا مشرق ایشیاءکا، افریقہ کا ہو یا یورپ کا، گورا ہو یا کالا، عقیدہ اسلام نے انہیں تسبیح کے دانوں کی طرح ایک رسی میں پرو دیا ہے۔اس رشتہ اخوت کا خوشگوار مظہر آج کل پاکستان میں نظر آرہا ہے۔ جہاں دنیا اسلام کے ممتاز داعی حجۃ الاسلام، محترم جناب ڈاکٹر ذاکر نائیک صاحب پاکستان تشریف لائے ہیں۔کراچی کے بعد آج کل لاہور میں ڈیرے ڈالے ہوئے ہیں۔وہ جہاں بھی جاتے ہیں لوگوں کا جم غفیر ان کی جھلک دیکھنے کے لیے امڈ آتا ہے۔کراچی کے گورنر ہاؤس میں پروگرامز ہوئے تو بلا شبہ ہزاروں کا مجمع ان کی گفتگو سننے کے لیے بےتاب تھا۔</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">جناب ڈاکٹرصاحب 11 اکتوبر بروز جمعۃ المبارک لاہور تشریف لائے، ائیرپورٹ سے سیدھا مرکز اہلِ حدیث 106 راوی روڈ پہنچے، جہاں امیرِ مرکزیہ کے علاوہ ممتاز علماء و مشائخ نے ان کا والہانہ استقبال کیا۔چونکہ یہ پروگرام اچانک ترتیب دیا گیا تھا اور اس میں شرکاء کی تعداد بھی بہت محدود تھی ،اس کے باوجود جید علماء و مشائخ کی بڑی تعداد خطباتِ جمعہ چھوڑ کر تشریف لائی۔ خطبہ جمعہ اور نماز کی امامت کے فرائض ڈاکٹر ذاکر صاحب کے صاحبزادے الشیخ فارق نائیک صاحب نے سر انجام دیے اور علماء کرام سے مخاطب ہونے کی وجہ سے انہوں نے نہایت عمدہ موضوع &#8220;قیام اللیل&#8221; کا انتخاب کیا۔بہت مدلل، منظم،مرتب اور مختصر خطبہ تھا۔</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">اس کے بعد مرکز کے ہال میں تمام شرکاء جمع ہوئے جناب ڈاکٹر ذاکر نائیک صاحب ناظمِ اعلیٰ حافظ عبدالکریم صاحب کے ہمراہ تشریف لائے اور شرکاء سے فرداً فرداً علیک سلیک کیا۔بلا شبہ تمام شرکا بے حد خوش تھے۔کیونکہ ان کے سامنے ایک مخلص، بے باک، مبلِّغِ اسلام جناب ڈاکٹر ذاکر نائیک صاحب کھڑے تھے۔اسلامی اخوت و محبت کا اس سے بہتر منظر نظر نہیں آتا۔آخر ڈاکٹر ذاکر نائیک سے رشتہ کیا۔ لا الہ الا اللہ کے سوا کوئی جواب نہیں!</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">جناب ڈاکٹر ذاکر نائیک صاحب ہم مسلمانوں کے نمائندے،اسلام کے وکیل،ترجمان اور متکلمِ اسلام ہیں۔ہم سب کی محبتوں کا مرکز ہیں۔ ان کی بے مثال خدمات ہیں۔ ان کے اخلاص کی بدولت اللہ تعالیٰ نے ان کی محبت سے تمام مسلمانوں کے دلوں کو لبریز کر دیا ہے۔مرکز اہلِ حدیث میں آنے پر اُن کے جذبات دِیدنی تھے۔جس کا اظہار انہوں نے اپنی گفتگو میں بھی کیا اور فرمایا کہ لاہور آنے کے بعد میری اوّلین خواہش یہی تھی کہ میں اپنے بھائیوں سے ملوں خاص طور سے الشیخ ساجد میر صاحب کو ملنے کا بے حد شوق تھا،وہ اللہ تعالیٰ نے پورا کر دیا۔</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">پیغام ٹی وی کے حوالے سے فرمایا کہ آج کل میڈیا سب سے خطرناک ہتھیار بن چکا ہے،یہ سفید کو کالا اور کالے کو گورا ثابت کر سکتا ہے۔لہٰذا اس پر نظر رکھنے کی ضرورت ہے۔پیغام ٹی وی بہت عمدہ کام کر رہا ہے۔یہ قرآن و سنت کی تعلیمات ، دعوت کو گھر گھر پہنچانے کے مشن پر قائم ہے میں اس کے لیے دعا گو ہوں۔انہوں نے علماء و مشائخ سے بھی درخواست کی کہ وہ اختلافات سے دور رہیں ،حکمت اور بصیرت کے ساتھ اپنی دعوت کو عام کریں۔ ایک وہ دور تھا جب مسلمان تعداد میں کم تھے لیکن عزت اور وقار کے ساتھ جیتے تھے، اب جب کہ ہم دنیا کا 25 فیصد ہیں ،لیکن ذلت اور رسوائی ہمارا مقدر ہے کیونکہ ہم نے قرآن مجید کو چھوڑ دیا ہے۔ لہٰذا ہمیں دوبارہ رجوع کی ضرورت ہے۔</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">مرکز اہلِ حدیث میں ڈاکٹر صاحب کی آمد سے بہت خوشگوار اثرات مرتب ہوئے اور ایک مثبت پیغام دنیا کو گیا کہ مسلمان کسی بھی علاقے کا کیوں نہ ہو! لیکن باہم بھائی بھائی ہیں اور عقیدے میں متحد و متفق ہیں، ان کی دعوت ایک ہے، ان کے مسائل ایک ہیں، ان کا حل بھی ایک ہے۔پاکستان آمد پر ڈاکٹر ذاکر نائیک کو بے حد محبت ملی ہے۔اگرچہ بعض &#8220;بدخصلت لوگ&#8221; ان کے خلاف باتیں کرتے ہیں،لیکن!</div>
<div dir="auto">&#8220;عَلَيْهِمْ دَائِرَةُ السَّوْءِ&#8221; ( بری گردش خود انہی پر آنے والی ہے۔)</div>
<div dir="auto">آسمان کی طرف تھوکنے والا خود اپنے ہی منہ پر ہی تھوک پاتا ہے۔</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">بہرحال ہم علامہ پروفیسر ساجد میر،حافظ عبدالکریم صاحبان کو مبارکباد پیش کرتے ہیں۔</div>
</div>


عالمی مبلغ اسلام ڈاکٹر ذاکر نائیک حفظہ اللہ کے دورہ مرکز اہلحدیث کی رپورٹ عظیم اسکالر چوہدری یاسین ظفر حفظہ اللہ کے مشکبار قلم سے

<blockquote>
<p style="text-align: center;"><em><strong>مؤرخہ 11 اکتوبر 2024 بروز جمعۃ المبارک مرکز اہلحدیث لاہور میں ڈاکٹر ذاکر نائیک حفظہ اللہ تشریف لائے مرکزی جمعیت اہلحدیث کے ذمہ داران نے پُرتپاک استقبال کیا اس موقع پر معزز مہمان نے مرکزی جمعیت اہلحدیث و اہلحدیث یوتھ فورس کے ذمہ داران سے خطاب فرماتے ہوئے فرمایا کہ:</strong></em></p>
</blockquote>
<p><strong>آج مجھے بے حد خوشی ہو رہی ہے کیونکہ کئی سالوں سے میری خواہش تھی کہ پاکستان آؤں جو اللہ سبحانہ و تعالی نے چند دن پہلے پوری کی۔اور میری تمنا تھی کہ لاہور آؤں خصوصا پیغام ٹی وی اورشیخ ساجد میر صاحب سے لاہور میں ملاقات کروں اس</strong></p>
<p><strong> سے پہلے میں سعودی عرب میں تو ملاقات کر چکا تھا آج اللہ تعالیٰ نے آج میری یہ تمنا پوری کر دی۔</strong><br />
<strong>جیسے آپ جانتے ہیں کہ میں ہمیشہ کہتا ہوں کہ میڈیا آج کی تاریخ میں سب سے خطرناک ہتھیار ہےسفید کو کالا ،کالے کو سفید ،ہیرو کو زیرو اور زیرو کو ہیرو ثابت کر سکتا ہے</strong><br />
<strong>اس لیے ہم سب کا فرض ہےکہ ہم اس میڈیا کے ذریعے قرآن و حدیث کا پیغام پوری دنیا تک پہنچائیں تاکہ ہم آخرت میں کہہ سکیں کہ ہم خیرامۃ(بہترین امت ) تھے</strong><br />
<strong>کیونکہ بہترین امت کیلئے ضروری ہے کہ وہ دعوت و تبلیغ کا کام کریں۔</strong><br />
<strong>اللہ سبحانہ و تعالی قرآن کریم میں فرماتے ہیں سورۃ آل عمران سورہ نمبر3 آیت نمبر 110 میں كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّه</strong><br />
<strong>(مسلمانو! تم ہی بہترین امت ہو : تم لوگوں کو بھلے کاموں کا حکم دیتے ہو اور برے کاموں سے روکتے ہو۔</strong><br />
<strong>جب بھی کسی کو کوئی اعزاز یا عہدہ دیا جاتا ہے اس کے ساتھ ضروری ہے کہ آپ کے اوپر ذمہ داری بھی اتنی ہی بڑی ڈال دی جاتی ہے۔</strong><br />
<strong>مثال کے طور پر ایک سکول میں پرنسپل کا عہدہ استاذ سے زیادہ ہے ایک استاذ کا عہدہ کلرک سے زیادہ ہے مگر ایک پرنسپل کی responsibility (جوابدہی) استاذ سے زیادہ ہے اوراستاذ کی ذمہ داری کلرک سے زیادہ ہے ۔</strong><br />
<strong>اسی طرح اللہ سبحانہ و تعالی نے ہمیں پوری کائنات میں سب سے بہترین امت قرار دیا ہے تو اس اعزاز کے ملنے کے بعد ہمارے اوپر بھی کچھ ذمہ داریاں ہیں ان میں سے اہم ذمہ داری یہ ہے کہ ہم لوگوں کو اچھائی کی طرف بلاتے ہیں اور برائی سے روکتے ہیں ۔اس لیے اگر ہم لوگوں کو اچھائی کی طرف نہیں بلائیں گےاور برائی سے نہیں روکیں گے تو ہم مسلمان اور بہترین امت کہلوانے کے لائق نہیں ہیں۔</strong><br />
<strong>آج ہم دیکھ رہے ہیں کہ دنیا میں لوگوں کی تعداد بڑھ رہی ہے اورمسلمان کی تعداد پچیس فیصدتقریبا دو بلین سے زیادہ ہو گئی ہے۔</strong><br />
<strong>لیکن افسوس کا مقام ہے جیسا کہ حدیث میں آیا ہے رسول اللہ ﷺ نے فرمایا ” ایسا وقت آنے والا ہے کہ دوسری امتیں تمہارے خلاف ایک دوسرے کو بلائیں گی جیسے کہ کھانے والے اپنے پیالے پر ایک دوسرے کو بلاتے ہیں ۔ “ تو کہنے والے نے کہا : کیا یہ ہماری ان دنوں قلت اور کمی کی وجہ سے ہو گا ؟ آپ ﷺ نے فرمایا ” نہیں “ بلکہ تم ان دنوں بہت زیادہ ہو گے ، لیکن جھاگ ہو گے جس طرح کہ سیلاب کا جھاگ ہوتا ہے ۔ اللہ تعالیٰ تمہارے دشمن کے سینوں سے تمہاری ہیبت نکال دے گا۔</strong><br />
<strong>آج ہم دیکھتے ہیں کہ مسلمانوں کی تعداد زیادہ ہے اللہ نے ہمیں دولت بھی دی ہے مگر ہم ہر جگہ سے پٹے جا رہے ہیں۔ اور ہمیں سب لوگ فٹ بال کی طرح لات مار رہے ہیں اور مسلمانوں کے 57ممالک ہونے کے باوجود ہم اپنا کام نہیں کر سکتے آج ہم فلسطینی مسلم بہن بھائیوں کا دفاع نہیں کر سکتے</strong><br />
<strong>میرے نزدیک یہ سب اسی لیے ہے کیونکہ ہم قرآن اور حدیث سے دور گئے ہیں جبکہ اگر ہم اپنی تاریخ دیکھیں تو رسولِ کریمﷺ،خلفائے راشدین اور صحابہ کرام کے دور میں ہم تعداد میں کم تھے لیکن ہم top (بلندیوں)پر تھے۔ 8 ویں ،9ویں صدی میں یورپین کہتے تھے یہ اندھیرے کا دور ہے</strong><br />
<strong>وہ دور ان کیلئے اندھیرے کا دور تھا مگر مسلمانوں کیلئے نہیں تھا ۔مسلمان اتنی چوٹی پر تھے کہ اگر آپ کو سائنس ٹیکنالوجی سیکھنا ہے تو لازم ہے کہ آپ عربی زبان سیکھیں تو غیر مسلم سائنس اور ٹیکنالوجی کو جاننے کے لیے عربی زبان سیکھتے تھے اور آج ہم دیکھ رہے ہیں ہماری حالت کیا ہے میں سمجھتا ہوں یہ قرآن و حدیث سے دور ی کا نتیجہ ہے۔</strong><br />
<strong>اسی لیے اللہ تعالیٰ قرآن کریم میں فرماتے ہیں ((سورہ آل عمران سورہ نمبر 3آیت نمبر 103 ))&#8221;وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا&#8221;اور اللہ کی رسی کو مضبوطی سے تھام لو اور تفرقہ میں نہ پڑو. اوراللہ کی رسی قرآن اور صحیح حدیث ہے ۔اور آج ہم دیکھتے ہیں کہ ہمارے معاشرے میں کئی فرقے ہیں.</strong><br />
<strong>جبکہ شریعت کہتی ہے کہ بڑے نقصان سے بچنے کے لیے چھوٹا نقصان اٹھاؤ تو میری التجا ہے کہ یہ فرقہ بندی ہم کم کریں اور اللہ اور اللہ کے رسولﷺ کے قریب آئیں اور آپ دیکھیں گے اگر ہمارا دل بڑا ہے تو لوگ ہمارے قریب آئیں گے۔</strong><br />
<strong>دل بڑا ہونے کا ہر گز یہ مطلب نہیں کہ ہم اپنےعمل یا عقیدےپر compromise (سمجھوتہ)کر یں۔ قرآن کی آیت ہے ((سورہ عمران سورہ نمبر 3آیت نمبر 64 ))&#8221;قُلْ يَا أَهْلَ الْكِتَابِ تَعَالَوْا إِلَىٰ كَلِمَةٍ سَوَاءٍ بَيْنَنَا وَبَيْنَكُمْ &#8220;</strong><br />
<strong>آپ ان سے کہئے: اے اہل کتاب! ایسی بات کی طرف آؤ جو ہمارے اور تمہارے درمیان یکساں ہے۔</strong><br />
<strong>اس آیت میں اھلِ کتاب کا تذکرہ کیا گیا ہے لیکن یہ آیت باقی غیر مسلم کے لیے بھی لاگو ہو سکتی ہے چاہے وہ ہندوہو،بدھ مت ہو یا کوئی بھی غیر مسلم ہو اور اگر آپ ایک step (قدم)آگے جائیں گے تو میں کہتا ہوں کہ آپس میں جو مسلمانوں میں اختلاف ہے یہ آیت ہم مسلمانوں کے لیے بھی استعمال کی جاسکتی ہے کیونکہ یہ دعوتِ دین کی Master Key (بنیادی اصول) ہے اور اگر ہم اپنی دعوت میں اللہ اور اللہ کے رسولﷺ کو آگے رکھیں گے تو لوگ آپ سے زیادہ جڑیں گے۔</strong><br />
<strong>اور جب آپ دیگر فرقوں میں باہمی اختلافات کو پسِ پشت ڈال کر دعوت دیتے ہیں تو آپ کی دعوت زیادہ مقبول ہو گی۔اور دعوتِ دین میں یہ اصول کبھی نہیں بھولنا چاہیے &#8221; وَ الْفِتْنَةُ اَشَدُّ مِنَ الْقَتْلِ &#8221; فتنہ برپا کرنا تو قتل کرنے سے زیادہ نقصان دہ ہے&#8221;</strong><br />
<strong>میں نے جب دعوتی زندگی کا آغاز کیا تومیں شیخ دیدات رحمہ اللہ سے متاثر ہو کر اس میدان میں آیا میں پہلے پہل بالکل نرم تھا لیکن پھر ایک دم شیخ دیدات رحمہ اللہ سے بھی زیادہ شیر بن گیا لیکن دعوت کے اسلوب کاپھر آہستہ آہستہ پتہ چلا قرآن کریم کی آیت ہے ((سورت النحل سورت نمبر :16 آیت نمبر 125 ))&#8221;ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ&#8221;</strong><br />
<strong>اپنے رب کے راستے کی طرف حکمت اور اچھی نصیحت کے ساتھ بلا ؤاور دوسروں سے اس طریقے کے ساتھ بحث کرو جو سب سے اچھا ہے۔</strong><br />
<strong>ہمیں ہمیشہ حکمت سے بات کرنی چاہیے کبھی گرم بھی نرم لیکن اکثر نرم بات کرنی چاہیے ضرورت ہو تو شیر بن کر بات کرنی چاہیے مگر شیر کو بہت گرجنے کی ضرورت نہیں پڑتی وہ جنگل میں آجاتا ہے تو سب کو معلوم ہو جاتا ہے کہ شیر آگیا ہے۔</strong><br />
<strong>اور یاد رکھیں دعوت میں حکمت ضرور ی ہے مگر کبھی بھی اپنے عقائد پر سمجھوتہ نہ کیجئے اور نہ ہی میں کبھی کروں گا۔آپ نے دیکھا ہو گا اسلام آباد سویٹ ہوم میں جب مرد و زن کا اختلاط ہو رہا تھا میں اسٹیج سے نیچے اتر گیا لوگوں نے مجھ پر تنقید کی مگر میں اپنا حجاب کبھی نہیں توڑ سکتا۔لیکن اس کیساتھ میں یہ بھی کہوں گا کہ ضروری نہیں جتنا میں سخت ہوں ہر انسان اتنا ہی سخت ہو۔ہمیشہ حکمت کیساتھ چلیں اور یہ نہ سمجھیں کہ میں ہی صحیح ہوں بلکہ ہمیشہ سمجھیں میں بھی صحیح ہوں</strong><br />
<strong>کیونکہ ہماری دعوت کا مقصد لوگوں کو اپنی جانب نہیں اللہ اور اللہ کے رسولﷺ کی طرف بلانا اور اس کی رضامندی کا حصول ہونا چاہیے۔اور جب کبھی باہمی اختلاف ہو جائے تو دیکھیں کہ یہ کام فرض ہے یا افضل ؟فرض پر تو ڈٹ جانا چاہیے مگر افضل کام کرتے کرتے اختلافات کو ہوا نہیں دینی چاہیے۔</strong><br />
<strong>آپ اگر کبار علماء و مشائخ سے ملیں مثلا مدینہ یونیورسٹی کے علماء یا آئمہ حرمین ہیں میں سب سے زیادہ عزت الشیخ سعود الشریم حفظہ اللہ کی کرتا ہوں ۔ایک مرتبہ جب وہ ممبئی تشریف لائے تو ہم انہیں مختلف مسالک کی مساجد میں لے کر گئے امام کعبہ ہونے کی وجہ سے سب لوگ ان کا احترام کرتے تھے ۔چونکہ امام صاحب مسافر تھے تو انہیں قصر نماز پڑھنی تھی جب ہم احناف کی مسجد میں گئے تو وہاں اختلاف ہو ا تو امام صاحب فرمانے لگے میں 4 رکعات ہی پڑھاؤں گا ۔اگر چہ دو رکعات پڑھنا افضل تھا مگر انہوں نے حکمت کا مظاہرہ کیا اور وہاں کوئی اختلاف یا جھگڑا نہ ہوا ۔</strong><br />
<strong>تو ایسے مواقع پر ایک عالم اور عام مسلمان کو بھی جاننا چاہیے فرض اور افضل کیا ہے؟</strong><br />
<strong>&#8212;&#8212;&#8212;&#8212;&#8212;&#8211;</strong><br />
<strong>میرے والد خاندانی شافعی تھے لیکن ان کا دل بہت بڑا تھا وہ اپنے گھر سب مسالک کے علماء کو بلاتے تھے تو بچپن سے ہر ایک سے میری گفتگو اور ملاقات تھی ۔پھر جب میں سعودی عرب گیااور وہاں کے علماء و مشائخ سے بات چیت ہوئی تومجھے پتہ چلا عرب علماء اور ہمارے علماء میں کتنا فرق ہے وہ کس قدر اچھے انداز سے بات کرتے ہیں اور تمام آئمہ کو کتنی عزت دیتے ہیں ۔</strong><br />
<strong>اور یہی طریقہ ہم سب کو اپنانا چاہیے اس سے اللہ تعالیٰ ہمیں مزید کامیابیاں عطاء فرمائے گااور اس سے بہت سارے لوگ آپ کے قریب آئیں گے کیونکہ دعوت میں حکمت از حد ضروری ہے۔</strong><br />
<strong>اس کا ایک تجربہ میں نے ممبئی میں کیا جب میں انگریزی میں بات کرتا تھا سارے فرقوں کے علماء کہتے تھے ڈاکٹر ذاکر نائیک کو سنو جب میں اردو میں تقریر کرنے لگا تو فتوی لگ گیا ذاکر کافر ہے میں نے ایساکیا کہ جو لوگ مجھے گالی دیتے تھے ان کو کانفرنس میں اپنے اسٹیج پر بلالیا۔</strong><br />
<strong>ہمارے لوگ مجھ سے ناراض ہو گئےذاکر بھائی کیا کر رہے ہیں؟ تو میں ان سے کہنے لگا میں نے قرآن کی کوئی آیت یا حدیث نہیں پڑھی. جہاں لکھا ہو کہ ڈاکٹر ذاکر نائیک کے خلاف جو بات کرے وہ جنت میں نہیں جائے گا۔ میں کہتا ہوں اگر یہ اللہ اور اللہ کے رسول کی بات کو پھیلا رہے ہیں تو اچھی بات ہے اور ہماری دعوت عقیدہ توحید و رسالت تو یکسا ں ہے ۔ان لوگوں نے میرے اسٹیج پہ آکے میرے خلاف بات کی اور میں چپ رہا لیکن اس کے بعد وہ میرے دوست بن گئے میری تعریف کرنے لگے اور وہی لوگ مجھے سننے لگے۔</strong><br />
<strong>میں سب جماعتوں سے کہتا ہوں آپ بھی اسی حکمت کو اپنائیں۔</strong><br />
<strong>اور جب میں مدینہ اور ریاض میں علماء سے سیکھنے گیا تو انہوں نے یہ سکھایا کہ اگر چاروں آئمہ میں سے کسی کا ایسا فتویٰ ہےجوکام افضل نہیں ہے اگر کوئی انہیں Followکرتا ہے تو وہ گنہگاہ نہیں ہے ۔</strong><br />
<strong>اور اگر کوئی بغیر پڑھا لکھا شخص کسی عالم کی چھتری تلے رہ کر عمل کرتا ہے اس کا اتنا نقصان نہیں جتنا فرقہ واریت کا نقصان ہے کیونکہ کافر یہ نہیں دیکھتے کہ یہ کس فرقے کے ہیں وہ بس دیکھتے ہیں کہ یہ مسلمان ہیں انہیں مارو۔ہم اگر ایک ہو جائیں گے تو آپ دیکھیں گے اللہ کی مدد آپ کے ساتھ ہو گی ۔</strong><br />
<strong>اس لیے میرا پیغام ہے کہ اپنی دعوت کا مقصد اللہ اور اللہ کے رسولﷺ کی طرف بلانے کا بنائیں۔</strong><br />
<strong>اور جب پیغام ٹی وی قائم ہوا مجھے خوشی ہوئی۔ نہیں تو اکثر چینل صحیح پیغام نہیں دے رہے۔ تو صحیح پیغام پہنچانا important (اہم) ہے اور اس کے ساتھ ساتھ آپ quality (معیار)کو بڑھائیں کرو۔تعداد کی بجائے معیار پر توجہ دیں جتنے زیادہ لوگوں تک آپ کا پیغا م پہنچے گا اتنا ہی زیادہ ثواب ملے گا۔</strong><br />
<strong>جمع و ترتیب:محمد خبیب ظہیر</strong></p>


عالمی مبلغ داعیِ اسلام ڈاکٹر ذاکر نائیک حفظہ اللہ کا مرکز اہلحدیث میں فکر انگیز جامع و مانع خطاب

<div dir="auto">ماضی میں مرضی کے فیصلوں سے ملک اور معیشت کو نقصان پہنچا۔سینیٹر پروفیسرساجد میر</div>
<div dir="auto">26ویں آئینی ترمیم سے پارلیمانی بالا دستی یقینی بنانے کا عمل ایک اہم سنگِ میل ہے ۔۔</div>
<div dir="auto">ماضی کا نظام عدلیہ پر دھبہ تھا</div>
<div dir="auto">26 آئینی ترمیم آمریت کو دوام دینے والی سوچ کا خاتمہ ہوگا</div>
<div dir="auto">خوش آئند بات یہ ہے کہ یہ پیش رفت جمہوری سیاسی جماعتوں کے اجماع سے ممکن ہوئی ،ینیٹر پروفیسرساجد میر</div>
<div dir="auto">اب قوم کو اس کے ثمرات لوٹانے کا وقت ہے ۔</div>
<div dir="auto">26ویں ترمیم میں سود کے نظام کے خاتمےشریعت کورٹ اور اسلامی نظریاتی کونسل کی توقیر بڑھانے پر ہم مولانا فضل الرحمن کو خراج تحسین پیش کرتے ہیں</div>
<div dir="auto">مرکزی دفتر میں تقریب سے خطاب</div>
<div dir="auto">22 اکتوبر 2024</div>
<div dir="auto">لاہور ( ) مرکزی جمعیت اہل حدیث پاکستان کے سربراہ سینیٹر پروفیسرساجد میر نےکہا ہے کہ ماضی میں مرضی کے فیصلوں سے ملک اور معیشت کو نقصان پہنچا۔ 26ویں آئینی ترمیم کی منظوری سے پارلیمانی بالا دستی یقینی بنانے کا ایک اہم سنگِ میل عبور ہوا،خوش آئند بات یہ ہے کہ یہ پیش رفت جمہوری سیاسی جماعتوں کے اجماع سے ممکن ہوئی۔ اب قوم کو اس کے ثمرات لوٹانے کا وقت ہے ۔ مرکز ی دفتر میں تقریب سے خطاب کرتےہوئے پروفیسر ساجد میرنے مزید کہا کہ ماضی کا نظام عدلیہ پر دھبہ تھا، 26 آئینی ترمیم آمریت کو دوام دینے والی سوچ کا خاتمہ ہوگا ۔اس سے قبل ملک کی سب سے بڑی عدالت کا سربراہ ایک خود کار نظام کے ذریعے مقرر ہو تا تھا‘ اب پارلیمانی رہنماؤں کی سفارش کی صورت میں جمہور کا مینڈیٹ بھی اس میں شامل ہو گا۔ ملک کے جوڈیشل نظام کے لیے یہ ایک بڑی تبدیلی ہے ا ن کا کہنا تھا کہ عدالتی نظام کی اصلاح کے لیے اقدامات کی بہت گنجائش ہےمعاشی استحکام کی کوششوں میں بھی یہ اشتراکِ کار نظر آنا چاہیے۔انہوں نے کہا کہ اس آئینی ترمیم کے بعد پارلیمان کی مضبوطی کا اگلا قدم سیاسی ہم آہنگی کی جانب اٹھنا چاہیے۔پاکستان کا مفاد سیاسی بحران کو کم کرنے اور جہاں تک ممکن ہو مفاہمت کو فروغ دینے میں ہے۔اس ترمیم سے سود کے نظام کا خاتمہ ،شریعت کورٹ اور اسلامی نظریاتی کونسل کی توقیر میں اضافہ ہوا ہے ۔ہم مولانافضل الرحمان کو خراج تحسین پیش کرتے ہیں انہوں نے دانشمندی سے ملک وقو م کی راہنمائی کی ۔ پروفیسر ساجدمیر نے مزید کہا کہ سپریم کورٹ کے فیصلوں کی توقیر کا ڈھنڈورا پیٹنے والو ں کو دس برسوں کی سپریم کورٹ کا جائزہ بھی لینا چاہئے ۔ ماضی کی سپریم کورٹ عوام کی منتخب کردہ حکومتوں کو متنازع بنانے میں حصہ دار بنی رہی، جس سے نہ صرف پاکستان میں جمہوری اداروں کو کمزور کیا گیا، بلکہ معاشی ترقی اور بین الاقوامی تعلقات کو بھی شدید نقصان پہنچایا گیا۔ عدالتی بحران کسی ایک شخص کی غلطیوں کا نتیجہ نہیں، بلکہ ادارے کی کمزوریوں اور سینئر ججوں کے مابین اثر و رسوخ کی دوڑ کا شاخسانہ ہے۔ انہوں نے کہا کہ چیف جسٹس کی تعیناتی میں سنیارٹی کو ختم کر کے تین ناموں میں سے ایک کا انتخاب، آئینی بینچ کا بنانا اور سیاستدانوں یا پارلیمانی کمیٹی کے ذریعے جیوڈیشل کمیشن کی تشکیل ایک بڑی پیش رفت ہے ۔</div>


26ویں آئینی ترمیم  آمریت کو دوام دینے والی سوچ  کا خاتمہ ہو گا  سینیٹر پروفیسر ساجد میر حفظہ اللہ

<p>ڈاکٹر ذاکر نائیک حفظہ اللہ کی مرکز اہلحدیث میں نماز جمعہ کا روح پرور منظر</p>


ہمارے بارے میں

فالو کریں

Related Post